Geo / Eng

ოთხი ლაპარაკი

TAF • Tbilisi Art Fair

17 - 19 მაისი

გალერეა ნექტარი წარადგენს სხვადასხვა თაობისა და რადიკალურად 
განსხვავებული გამომსახველობითი ენის მქონე ხელოვანს: 

შოთა ბოსტანაშვილი 
თეა გვეტაძე 
ელენე ლუხუტაშვილი 
ელენე ჩანტლაძე
 

პავილიონი 6  \\  ა. წერეთლის გამზ. 118, თბილისი 0119, საქართველო

შოთა ბოსტანაშვილი (1948-2013) იყო არქიტექტურის დოქტორი, პოეტი, კულტუროლოგი, არქიტექტურის საერთაშორისო აკადემიის პროფესორი. სტუდია სახელოსნო „აქტიტექტურის პოეტიკის“ დამაარსებელი. გამოფენაზე წარმოდგენილი იქნება მისი პერფორმატიული და საკმაოდ პროვოკაციული არქიტექტურის სწავლების დოკუმენტური მასალა და ხელოვნების ნიმუშები. 

თეა გვეტაძე თანამედროვე ხელოვანია, დუსელდორფის აკადემიის დამთავრების შემდეგ, მრავალი წელი მოღვაწეობდა გერმანიაში. 2014 წლიდან ცხოვრობს საქართველოში. გამოფენა „ოთხი ლაპარაკი“ -ს ფარგლებში წარდგება მხატვრისათვის მნიშვნელოვან ეტაპზე, 2008-10 წლებში შექმნილი ნამუშევრები. 

ელენე ლუხუტაშვილი უნიკალურ მედიაში, დაზგურ მოზაიკაში მუშაობს. მხატვარს სახლში (თელავში) აქვს თავისი ნამუშევრევბის სახელოსნო-გალერეა, სადაც 1940-იანი წლებიდან დღემდე ისტორია მოზაიკით არის მოყოლილი. 

ელენე ჩანტლაძე წყალტუბოელი ხელოვანია, რომელიც ბუნებაში არსებულ, თუ ადამიანური პროდუქციის ყველა ზედაპირსა და სიბრტყეს იყენებს სახატავად. “ბამბანერკის” ყუთებს, რენტგენის ფოტო ასლებს, რემონტის მასალებს, ქვებს. 

გამოფენის სათაურად აღებულია შოთა ბოსტანაშვილის პოეტური ტექსტი “ოთხი ლაპარაკი”, რომელიც ავტორის სიტყვებით: “დაწერილია არა იმდენად წყალზე, ცეცხლზე, ჰაერზე და მიწაზე, რამდენადაც წყლით, ცეცხლით, ჰაერით და მიწით”.