Geo / Eng

მეცოჯორნო ბარი: გახსნა: ხუთშაბათი, 03.05 / 18:00

დანიელ მაიერ-რაიმერის ნამუშევრები განსაკუთრებული გზით შესრულებული ხანგრძლივი მოგზაურობებისგან შედგება. მთლიანობაში ისინი აღწერს დასავლეთ ევროპიდან იაპონიამდე გამავალ ხაზს. მოგზაურობები ნელი ტემპით მიმდინარეობს, შეიძლება რამდენიმე კვირა, ან ოთხ თვემდე გაგრძელდეს. ყოველთვის მარტო და როგორც წესი, ფეხით, იგი როგორც სტოიკოსი მიჰყვება მოცემულ ხაზებს, როგორც მდინარის დინებას, საზღვრებს ან ძეგლებს. თითოეული მოგზაურობისათვის არსებობს ძალიან ცოტა მტკიცებულება. მათი უმეტესობა წარმოდგენილია მოგზაურობის დროს გადაღებული თითო ფოტოთი.

გარკვეული პერიოდიდან მოყოლებული, დანიელ მაიერ-რაიმერი სხვებს მიანდობს იმას, რაც ჩვეულებრივ, მხატვრის სამუშაოს ნაწილია: როგორი ფორმით იქნეს წარმოდგენილი ნამუშევარი გამოფენაზე, ან ბეჭდვით ფორმაში. მოწვეული პირი თავისუფალია, განავითაროს ნებისმიერი ფორმა, მათ შორის არაფერი აჩვენოს.

გალერეა ნექტარში მისი 2018 წლის გამოფენისთვის, გერმანელი ხელოვანი ფლორიან ჰუტნერი წარმოადგენს დანიელ მაიერ-რაიმერის მოგზაურობას იტალიაში. ჰუტნერი არის ბად ტოლცში (ბავარია) მცხოვრები მხატვარი. როგორც Galerie für Landschaftskunst Hamburg-ის წევრი, ის უძღვება GFLK Halle Sued, Tölz-ს სამხრეთ გერმანიაში. თბილისში ის გალერეა ნექტარს გარდაქმნის იტალიურ ბარად, „მეცოჯორნო ბარი“ რათა განიხილოს White Cube-ის იდეა და მაიერ-რაიმერის ნამუშევარი უფრო სულიერ გარემოში წარმოადგინოს. აპენინებში მაიერ-რაიმერის მოგზაურობამ გეზი აიღო სამხრეთ იტალიისკენ, მეცოჯორნოსკენ.

ამ ფორმით დანიელ მაიერ-რაიმერთან თანამშრომლობდნენ: დეივიდ ბრუკი, ქლეგი და გუტმანი, ტილ კრაუზე, კორნელია ლაუფი და სხვები.

დანიელ მაიერ-რაიმერის მოგზაურობა იაპონიაში გამოიფინა გალერეა ნექტარში 2014 წელს.

DMR Mezzogiorno Bar engl - www.dmr-journeys.de